Gujkaavya-3

મારા પ્રત્યે જો...!!!
મારા પ્રત્યે જો ઊભરે લાગણી,
તો તારી સંમતિ જરૂર દર્શાવજે,
મારા પ્રેમના પ્યાસા પથ પર,
તારી પ્રીતીનો પ્રકાશ પથરાવજે.
મારા અરમાનની સાંભળી માગણી,
તું વહેલી-વહેલી આવજે,
મારા પ્રત્યેના ડરને ડામવા,
તો સાથે સહેલી તું લાવજે
મારા માયાના માંડવા મહેકાવવા,
તું પ્રેમનું પરફ્‌યુમ પ્રસરાવજે,
મારા પ્રીતના પ્રવાહને વહાવવા,
તું નાનકડી નદી બનાવજે.
                                                 મારા વિરહના વાદળો વિખેરવા,
                                                    તું મિલનનો મારૂત મોકલાવજે,
                                                   મારા સ્નેહનાં સંભારણાં સર કરવા,
                                                     તું સહકારનો સમંદર છલકાવજે.
                                                   મારા માયાના મનને મલકાવવા,
                                                    તું માનવતાની મહેંક મહેંકાવજે,
                                                     મારા ચાહતના ચાર્મને ચૂંમવા,
                                                        તું ‘સ્વયં’નાં શરણ સજાવજે.